Ət – enerji və protein mənbəyi olmaqla yanaşı, həm də yüksək bioloji dəyərə malik qida məhsuludur.

Aztibb.az xəbər verir ki, həkim pediatr Nigar Süleymanova bu barədə məlumat verərək qeyd edib ki, insan orqanizminin inkişafı, hüceyrələrin yenilənməsi, bərpası, qan əmələ gəlməsi, sinir sisteminin möhkəmlənməsində və dərinin sağlamlığında mühüm rol oynayan ətin tərkibində 16-20% zülal, 2-40% yağ, karbohidratlar, mineral maddələr, fermentlər, həmçinin azotlu və azotsuz ekstraktiv maddələr vardır.

Həkimin sözlərinə görə, mineral maddələrin (Fe, K, Na, Mg və s.) miqdarı 0,8-1,3% olmaqla, ətin struktur quruluşunun formalaşmasında iştirak edir. Bu maddələr içərisində dəmirin miqdarı daha çoxdur. Ət və ət məhsulları ilə qidalanmayan uşaqlarda dəmir, sink əksikliyinə rast gəlirik.

"Ona görə də belə uşaqlara analiz nəticəsinə uyğun dəmir, sink preparatları mütləq təyin edilməlidir", - deyə pediatr əlavə edib.