Norveçin Bergen Universitetinin alimlərinin apardığı araşdırmalara görə, hamiləlik zamanı epilepsiya dərmanlarının qəbulu uşaqlarda autizm və ya inkişaf riskini artıra bilər.

Aztibb.az bu barədə medimagazin.com.tr-yə istinadən məlumat verir.

4,5 milyon uşaq üzərində aparılan tədqiqat göstərib ki, topiramat və ya valproat qəbul edən anaların uşaqlarında bu xəstəliyə iki dəfə çox rast gəlinir.

Tədqiqatçılar 1997-2017-ci illər ərzində Danimarka, Finlandiya, İslandiya, Norveç və İsveçdə doğulan uşaqların tibbi sənədlərini müqayisə ediblər. Daha sonra hamiləlik zamanı qeydlər və reseptlər araşdırılıb və anaların məlumatları ilə uyğunlaşdırılıb. 16170 ananın istifadə etdiyi ən çox yayılmış 10 epilepsiya dərmanı təhlil edilib.

Araşdırmalar zamanı hamilə topiramat istifadəçilərinin autizmli uşaq dünyaya gətirmə ehtimalının 2,8 dəfə, öyrənmə qüsurlu uşaq sahibi olma ehtimalının isə 3,5 dəfə çox olduğu . Bundan başqa, valproat qəbul edən hamilələrin autizmli uşaq dünyaya gətirmə ehtimalının 2,4 dəfə və öyrənmə qüsurlu uşaq dünyaya gətirmə ehtimalının 2,5 dəfə çox olduğu ortaya çıxıb.