Oklahoma ştatının Talsa şəhərində Sent-Fransis xəstəxanasının ərazisindəki binada baş verən atışma nəticəsində 4 nəfər ölüb, bir neçə nəfər yaralanıb.

Aztibb.az xəbər verir ki, bu barədə NBC News telekanalı məlumat yayıb.

Qeyd olunur ki, hadisə xəstəxana kompleksinin tibbi korpuslarından birində baş verib. Polis atəş açmaqda şübhəli bilinən şəxsin güllə yarası aldığını güman edir. Hazırda hadisə yeri mühasirəyə alınıb, hüquq-mühafizə orqanlarının əməkdaşları zərərçəkənlərin axtarışı üçün mərtəbə-mərtəbə yoxlamalar aparır.

Hadisə yerli vaxtla saat 17:00 radələrində baş verib, bir neçə nəfər yaralanıb, silahlı şəxs zərərsizləşdirilib. Zərərçəkənlərin vəziyyətinin ağırlığı və hadisənin səbəbləri barədə hələlik məlumat verilmir.