Uşaqlara göstərilən tibbi xidmətin keyfiyyətinin yaxşılaşdırılması dövlətin sosial yönümlü siyasətinin prioritet istiqamətlərindən biridir.

Aztibb.az TƏBİB-ə istinadla xəbər verir ki, son illər bu sahədə mühüm tədbirlər həyata keçirilmişdir. Belə ki, qəbul edilən və həyata keçirilən dövlət proqramlarının ana və uşaqların sağlamlığının qorunması işində əhəmiyyətli rolu olmuşdur.

Bütövlükdə səhiyyə ilə bağlı qəbul edilmiş 10-dan çox dövlət proqramının hamısında uşaqların sağlamlıq problemlərinə xüsusi yer ayrılmışdır.

Ölkə başçısı cənab İlham Əliyev tərəfindən iki çox önəmli sənəd - “Uşaqların icbari dispanserizasiyası haqqında” Azərbaycan Respublikasının Qanunu, “Ana və uşaqların sağlamlığının yaxşılaşdırılmasına dair Dövlət Proqramı” təsdiq olunmuşdur.

Uşaqların sağlamlığının qorunması dövlətimizin, eyni zamanda TƏBİB-in də diqqət mərkəzindədir.