Aztibb.az-ın xəbərinə görə, bu barədə həkim-pediatr Aytən İsmayılzadə ibuprofen və parsetamol dərmanlarına dair paylaşımında məlumat verib. "Hərarətə dözdüyümüz kimi, ağrıya da parsetamol ilə dözmək mümkündür", - deyən  həkim  qeyd edib ki, koronavirus ilə mübarizə zamanı ibuprofen molekulu olan hərarət düşürücüdən istifadə etməmək tövsiyə edilirdi.  Bildirilirdi ki, bu dərman hansısa sistemlərlə birgə istifadə zamanı fəsadlara səbəb ola bilər. Valideyinlərə isə sadəcə ibuprofenin zərərli olduğunu bilmək kifayətdir. 

 

İbuprofen molekulunun əvvəllər sinir, əzələ ağrıları, oynaq xəstəlikləri müalicəsində qeyri-steroid bir dərman kimi istifadə edilirdi (məsələn, artrit zamanı). İltihabsöndürücü təsiri var. Amma mütləq yeməkdən sonra qəbul edilir ki, mədə-bağırsaqda yara əmələ gəlməsin. Əlbəttə ki, bir yemək yarana biləcək fəsadın qarşısını ala bilməz. Bəs necə oldu, ibuprofen hərarət barəsində parasetamolu ötdü keçdi və hər uşağın mədəsinə tez-tez girməyə başladı?

 

"Bu, əslində anaların və onları tez bir zamanda rahatlatmaq istəyən həkimlərin sayəsində baş verdi. Şirkətlər gördü ki, hərarəti tez salan güclü dərmana "ehtiyac" var. Və bu, çoxlu pul deməkdir. Bu ehtiyac isə həqiqi deyildi. Anaların həyəcanından yaranmışdı. Hərarətdən heç nə olmur, ibuprofen isə fasdlara səbəb olur. Bu "nələrsə" sizin həyəcandan daha vacibdir, əziz analar! Uşağınızı hərarətdən deyil, dərmanların zərərindən qoruyun. Həkiminiz təyin etsə belə, parasetamol tərkibi ilə əvəz edin. "Axı parsetamol gec təsir edir " deyəcəksinizsə, deməli bu məlumatdan övladınızın xeyrinə nəsə götürmədiniz", - deyə həkim əlavə edib.