Sumqayıt Tibb Mərkəzinin (STM) tabeliyində olan 1 nömrəli xəstəxanada “Arterial hipertenziyanın diaqnostika və müalicəsi” mövzusunda elmi seminar keçirilib.
Tədbirdə Poliklinika şöbəsinin müdiri Arzu Bəndəliyeva, tibb müəssisəsində çalışan həkimlər iştirak ediblər.
Şöbə müdiri Arzu Bəndəliyeva giriş sözü ilə çıxış edərək bu kimi seminarların mühüm əhəmiyyət kəsb etdiyini diqqətə çatdırıb.
Sonra poliklinikanın kardioloqu Elnaz Yusifovaya mövzu ilə bağlı təqdimatla çıxış edib.
Kardioloq arterial hipertenziyanı yaradan səbəblər, bu sahədə mövcud olan müalicə və müayinə üzrə dünya protokollarından bəhs edib.
Qarşılıqlı fikir mübadiləsi şəraitində keçən seminarda həkimləri maraqlandıran suallar cavablandırılıb, bu sahədə həyata keçirilən tədbirlərdən söz açılıb.
Sonda qeyd olunub ki, tibbin müxtəlif sahələrinə həsr olunmuş seminarlar mütəmadi olaraq keçiriləcək.
