Aztibb.az-ın xəbərinə görə, həkim-pediatr Aytən İsmayılzadə uşaqlarda yüksək hərarət zamanı valideynlərin yol verdikləri səhvlərdən danışıb. 

 

Həkim bildirib ki, soyuq suyun təsirindən damarlar daralır və bədənin istiliyinin verilməsi bir az da pisləşir və hərarət daha da artır. Ona görə bədəni bədən temperaturuna yaxın, ilıq suda isladılmış dəsmalla silmək lazımdır:

 

"Bu proseduru bədən hərarəti 1-2 dərəcə düşənə kimi davam etmək lazımdır. Məsələn, təxminən 10-15 dəqiqə. Yəni 1-2 dəqiqə edib, temperaturu düşmür deyib dərmanlara müraciət etmək lazim deyil. 

 

Bundan başqa, hərarətli bədənin silinməklə üşüməsi, soyuqlaması baş verə bilməz. Sadəcə ona görə ki, burda soyuma baş vermir. Bədəni silərək hərarəti salmaq maksimum az dərman istifadə üçün ilkin şərtdir. Səbrli olun, alınacaq. Vacib olmadıqca, uşaqlara dərman verməyin ".