Müxtəlif xəstəliklərin müalicəsində istifadə olunan MÖCÜZƏVİ TUT YARPAĞI

23.05.2022 11:19

Tut yarpağının tərkibində süddən 25 dəfə çox kalsium, ispanaqdan 10 dəfə çox dəmir var. Tut yarpağı tut meyvəsi qədər sağlamlığa əhəmiyyətli faydaları olan bir yarpaqdır. Onun qaynadılması ilə alınan çay bir çox xəstəliklərin müalicəsində istifadə olunur.

Aztibb.az tibbi mənbələrə istinadla xəbər verir ki, tut yarpaqlarının çay hazırlamaqdan başqa müxtəlif məqsədləri də var.

Onlara aşağıdakılar daxildir:

- Qızdırmanın aşağı salınmasına kömək edir.

- Ürək sağlamlığına müsbət təsir edən maddələr ehtiva edir (yemişan yarpağı ilə birlikdə istifadə edilməsi məsləhət görülür).

- Şəkərli diabet, bronxit, boğaz xəstəlikləri və quru öskürək kimi xəstəliklərin müalicəsində istifadə olunur.

- Yaxşı sidikqovucudur və xüsusilə də ağ tutun yarpaqlarından alınan çay qan şəkərini tənzimləmə xüsusiyyətinə malikdir.

- Tut yarpağı ilə hazırlanan çaydan ekzemanın müalicəsində istifadə edilir.

- Qaraciyər xəstəliklərinin müalicəsində hər gün 3 stəkan tut yarpağı çayı içmək məsləhətdir.

- Gündə 2 stəkan tut yarpağı çayı içmək orqanizmə canlılıq və müqavimət təmin edir.

Araşdırmalara görə, tut yarpağından alınan ekstraktın fil xəstəliyinə qarşı şəfalı olduğu müşahidə edilib. Bundan əlavə, diş ağrısına qarşı ağız qarqarası kimi istifadə edildikdə ağrı kəsici xüsusiyyətə malikdir.

Tut yarpağı çayının digər mühüm xüsusiyyəti də rahatlaşdırıcı təsirə malik olmasıdır.

Tut yarpağı çayı necə hazırlanır?

2 xörək qaşığı qurudulmuş tut yarpağı, 1 litr su

Tut yarpağı çayının hazırlanması: 2 xörək qaşığı qurudulmuş tut yarpağı 1 litr qaynadılmış suya qoyulur. Bu şəkildə təxminən 2 saat dəmlənməyə buraxılır. Dəmləmə prosesi bitdikdən sonra çayı süzmək və gün ərzində fasilələrlə qəbul etmək lazımdır. Xüsusilə yeməkdən əvvəl içildikdə olduqda faydalıdır.

Qeyd edək ki, bu çaydan hamilə qadınlar, kiçik uşaqlar və təzyiqi aşağı olanların istifadəsi məsləhət görülmür.