Ümumdünya Səhiyyə Təşkilatı ilə birgə əməkdaşlıq layihəsi çərçivəsində Mərkəzi Gömrük Hospitalında Azərbaycanın aparıcı boya istehsalçıları ilə görüş keçirilib.
Görüşdə Mərkəzi Gömrük Hospitalın təcili yardım həkimi, Azərbaycan Toksikoloqlar Cəmiyyətinin katibi Leyla Fətullayeva iştirakçılara boyaların tərkibində olan qurğuşun və digər ağır metalların insan orqanizminə olan təhlukəsi barədə ətraflı məlumat verib.
Müzakirələrdə çıxış edən “Mətanət-A” şirkətinin baş texnoloqu Zeynəb Aslanova, Azərbaycan Respublikası Səhiyyə Nazirliyinin Referens Kimya-toksikoloji Laboratoriyasının müdiri Gülşən Qurbanova, Elmi-Təcrübi və Tədris Mərkəzinin mütəxəssisi Şəhla Mirza-zadə və digərləri bu problemin hədsiz aktual olduğunu qeyd ediblər.
Çıxış edənlər respublikamızda bu sahədə mövcud olan tənzimləyici sənədlərin təkmilləşdirilməsi, elmi tədqiqatların aparılmasını və bazarda olan boyaların tərkibində qurğuşun və digər ağır metalların daimi nəzarətdə saxlamasının vacibliyini vurğulayıblar.
