Ürək əməliyyatı olan Emil Novruzlunun anası, Sumqayıt şəhər sakini Maya Novruzova övladının səhhətinin yaxşılaşmasında Sumqayıt Tibb Mərkəzinin tibbi personalına, o cümlədən İcbari Tibbi Sığorta üzrə Dövlət Agentliyinə minnətdarlığını bildirib.
Maya Novruzova qeyd edib ki, 2021-ci ilin fevral ayında övladı Emil Novruzlunun ürəyində narahatlıqlar olduğunu hiss edib. Bununla bağlı ailə həkimi Afiqə Şıxəliyevaya müraciət edib: "O, aidiyyatı üzrə bizi kardioloqa yönəltdi. Kardioloq müayinəsindən sonra bizə Azərbaycan Tibb Universitetinin Tədris Cərrahiyə Klinikasına göndəriş verildi. Övladım İcbari tibbi sığorta ilə Exokardioqrafiya müayinəsindən keçdi. Burada kardiocərrah Ramal Həsənov Emilə pulmonar qapaq stenozu, açıq arterial axacaq diaqnozunu qoydu. Müəyyən müayinələrdən, laborator analizlərdən sonra övladım İcbari tibbi sığorta ilə əməliyyat olundu".
"Sumqayıt Tibb Mərkəzindən, sahə həkimimiz Afiqə Şıxəliyevadan, kardiocərrah Ramal Cəfərovdan, övladımın əməliyyatında əziyyəti olan digər şəxslərdən çox razıyam. Tibbi personalın rəftarı, hər bir nüansa diqqət etmələri, xoş, gülərüz olmaları məndə çox müsbət fikirlər yaratdı. Emilin əməliyyatdan sonrakı vəziyyəti də yaxşıdır. Əməliyyatdan sonra mütəmadi olaraq müayinələr də həyata keçirilir", - deyə Maya Novruzova bildirib.
