Fransanın Şatne-Malabri kommunasında yerləşən məktəbin yeməkxanasında kütləvi zəhərlənmə hadisəsi baş verib.

Aztibbşaz-ın məlumatına görə, bu barədə "France Bleu" radiosu xəbər verib.

Məlumata əsasən, 363 şagird və böyüklər arasında 20 nəfər şəxs zəhərlənib.

Hadisə mayın 19-da baş verib. Şagirdlər, müəllimlər və digər məktəb işçiləri "ürəkbulanma, qarın ağrısı, qusma və ya ishal" kimi simptomlarla qarşılaşıblar. Üç azyaşlı xəstəxanaya yerləşdirilməli olub.

Hadisə fonunda yeməkxana yoxlama üçün bağlanıb. Hazırda ekspertlər hadisənin səbəblərini araşdırır.