İctimai Televiziya və Radio Yayımları Şirkətində 17 may – Ümumdünya Arterial Hipertoniya ilə Mübarizə Günü və qeyri-infeksion xəstəliklərin profilaktikası üzrə ölkəmizdə keçirilən maarifləndirici kampaniya çərçivəsində marifləndirici aksiya təşkil olunub.

 

Aztibb.az xəbər verir ki, aksiyada iştirakçılar qeyri-infeksion xəstəliklər barədə məlumatlandırılıb. Bildirilib ki, bu xəstəlikləri yaradan əsas səbəblər zərərli vərdişlər, tütünçəkmə, spirtli içkilərdən sui-istifadə, qeyri-sağlam qidalanma və fiziki passivlikdir. İştirakçılara sağlamlığın qorunması istiqamətində tövsiyələr verilib, maarifləndirici materiallar paylanılıb.

 

Qeyd edək ki, Azərbaycan Respublikası Səhiyyə Nazirliyi, İctimai Səhiyyə və İslahatlar Mərkəzi, Azərbaycan Kardiologiya Cəmiyyəti və Servye Azərbaycan şirkətinin təşkilatçılığı, İTV və TREND informasiya Agentliyinin informasiya dəstəyi ilə ölkəmizdə “Çünki belə lazımdır” şüarı ilə maarifləndirici aksiyalar keçirilir. Aksiyalar Bakı şəhərində, eləcə də regionlarda, əhalinin sıx olduğu məkanlarda, o cümlədən “Dost” mərkəzlərində təşkil olunur.

 

Bu kampaniyanın məqsədi insanlara tövsiyə etməkdir ki, sağlam həyat tərzinə üstünlük versinlər, zərərli vərdişlərdən uzaq olsunlar, sağlamlıqlarını qorusunlar, qan təzyiqinə, qanda şəkərin səviyyəsinə nəzarət etsinlər.