İmmun sistemi ilə bağlı olan bəzi xəstəliklər, qəbul olunan dərmanların əks təsirləri və ya infeksiyalar, böyrəyin antigenik quruluşunu dəyişdirir.

 

Aztibb.az xəbər verir ki, bunu nefroloq Barat Yusubov bildirib. 

 

"Orqanizmi qoruyan strukturlar böyrəkdəki bu dəyişikliyə görə onu xaricdən gələn hər hansı maneə sanıb, onu zədələməyə başlayır. Vaxtında bu vəziyyət nəzarət altına alınmazsa, zaman keçdikcə böyrək çatışmazlığı ilə nəticələnə bilər. Bu xəstəliyin adı " Glomerülonefrit"dir", - deyə B.Yusubov qeyd edib. 

 

Həkimin sözlərinə görə, pyelonefrit isə xüsusilə böyrəklərdəki daş xəstəliyi və anatomik pozğunluqlar nəticəsində böyrək toplama sisteminin iltihabıdır. Ataklar şəklində təkrarlanaraq sonda böyrək çatışmazlığına səbəb ola bilər. Zamanında və doğru şəkildə müalicə edilməzsə, böyrəklərin kiçilməsi və böyrək çatışmazlığı qaçılmazdır.