"II Qarabağ müharibəsi dövründə yaralıların içində kliniki ölüm keçirən bir əsgər mədəsində qalan kütlələri qaytarmış vəziyyətdə daxil oldu. Əlimlə əsgərin boğazından və ağzından həmin kütlələri təmizlədim. Daha sonra əsgərə süni tənəffüs verdik, ürəyini masaj elədim. Əsgəri həyata qaytardım. Hansı ki o əsgər indi də yaşayır".

Aztibb.az xəbər verir ki, bunu M.A.Topçubaşov adına Elmi Cərrahiyyə Mərkəzinin həkim anestezioloq-reanimatoloqu, II Qarabağ müharibəsində xidmət edən həkimlərimizdən biri Kəmalə Namazova deyib.

O, bildirib ki, reanimasiya şöbəsində düşmən xəstəxananın yerinin fərqinə varmasın deyə telefon işığı ilə əməliyyatlar icra etməli olublar:

"Damar cərrahımız İlqar Namazov səhər saat 9-dan gecə saat 1-ə qədər əməliyyatlarda olurdu. Bu insan su da içmirdi. Belə həkimlərimizin sayəsində neçə-neçə əsgərlərimizin həyatı xilas oldu".