Prosedur zamanı biz adi gözlə görə bilmədiyimiz patologiyaları, xüsusilə xərçəngönü xəstəlikləri aşkarlaya bilirik. Daha sonra patoloji sahələr təyin edilir və məqsədyönlü biopsiya götürülür. Biz kolposkopiyasız biopsiya götürəriksə sağlam və ya daha az zədələnmiş sahədən götürə bilərik və bu da səhv diaqnozun qoyulmasına səbəb ola bilər.

Kolposkopiya aparmaqda digər bir məqsədimiz isə müalicə üsulunu düzgün seçilməsidir (operativ və ya konservativ).

 

 

Uşaqlıq boynu xərçənginin qarşısını almaq üçün aparılan, rutin müayinə olan Pap-test analizinin cavabında hər hansı patoloji vəziyyət aşkarlanarsa, HPV (İnsan papilomavirusunun) yüksək onkogen tipləri (16;18) pozitiv olarsa pasiyent birmənalı olaraq daha ətraflı müayinə üçün kolposkopiya göndərilir. Uşaqlıq boynunda rast gələn bütün patoloji vəziyyətlərdə kolposkopik müayinə məsləhət görülür.