Aztibb.az-ın xəbərinə görə, həkim-fitoterapevt Fizuli Hüseynov uşaqlarda saç tökülməsi probleminin qarşısını almaq üçün təbii vasitələrdən bəhs edib.

 

Həkimin sözlərinə görə, kefir bağırsaqlarda vitamin və mineralların sorulmasını yaxşılaşdırdığına görə saçların canlanmasına, sıxlaşmasına səbəb olur. İçilməyə başladıqdan 1 ay sonra effektini göstərməyə başlasa da, onu 2-3 ay fasiləsiz qəbul etmək olar.

 

 

Saç tökülməsinin qarşısını alan digər vasitə isə 1 kq balla 200 qram çiçək tozunun qarışımıdır. Həmin qarışımdan 1 çay qaşığı 1 stəkan çiy suda həll edib gündə iki dəfə yeməkdən əvvəl içmək lazımdır. 3 ay müddətində içilən şərbət saçların tökülməsini aradan qaldırmaqla yanaşı, uşaqların hafizəsini gücləndirir, sümükləşməni artırır, bədənin kalsiuma olan tələbatını ödəyir.

 

Əgər saç keçəllik xəstəliyi nəticəsində tökülürsə, onda 1 xörək qaşığı udi hindi tozunu 1 stəkan suda 2 dəqiqə qaynatmaq, alınan bişirmə ilə saçların diblərini masaj etmək lazımdır. Hissəvi keçəllik olan nahiyələrə tam tüklənənə qədər sarımsaq sürtülür və ya yulğun ağacının nazik budaqları yandırılan zaman əmələ gələn maye çəkilir.