Tədbiri giriş sözü ilə açan Mərkəzin direktoru, Valeh Hüseynov Ulu Öndər Heydər Əliyevin xatirəsinin həm Azərbaycanda, həm də ölkə hüdudlarından kənarda anıldığını bildirib: “Müstəqil Azərbaycanın qurucusu Heydər Əliyevin öz xalqına, millətinə təmənnasız xidmətləri yaddaşlara əbədi həkk olunmuşdur. Ulu Öndərin ikinci dəfə hakimiyyətə gəlişindən sonra Azərbaycan cəmiyyətində müstəqil dövlətçilik ideyaları fundamental mahiyyət kəsb etməyə başladı. Onun uzaqgörən siyasəti nəticəsində Azərbaycan dünyanın siyasi xəritəsində öz geostrateji mövqeyini möhkəmləndirə bildi. Heydər Əliyev ölkə daxilində ictimai-siyasi sabitliyi təmin etməklə demokratik dövlət modeli konsepsiyasını həyata keçirməyə başladı. Onun Azərbaycan dövlətçiliyi uğrunda apardığı fəal mübarizə, çoxistiqamətli fəaliyyət ölkəmizin bütün sahələrində olduğu kimi, bu konsepsiyanın tərkib hissələrindən olan Azərbaycan səhiyyəsi, o cümlədən Azərbaycan tibb elmi, tibb təhsili strukturlarının dinamik inkişafı və gələcək yüksəlişində də öz parlaq əksini tapdı".

 

Daha sonra tədbir Mərkəzin digər həkimlərinin çıxışları ilə davam edib.