Rusiyanın Federal Tibbi və Bioloji Agentliyi (FTBA) 2022-ci ildə 60 yaşdan yuxarı insanlarda koronavirus peyvəndini sınaqdan keçirməyi nəzərdən keçirir.
Aztibb.az-ın məlumatına görə, bu barədə Agentliyin rəhbəri Veronika Skvortsova bildirib.
"Bu cür tədqiqatların aparılması təcrübəsini, preklinik və klinik tədqiqatların uğurlu nəticələrini nəzərə alaraq, Rusiya FTBA 2022-ci ildə 60 yaşdan yuxarı insanlarda "Konvasel" vaksininin klinik sınaqlarının keçirilməsi imkanını nəzərdən keçirir", - deyə Agentlik rəhbəri bildirib.
“Konvasel” koronavirusa qarşı peyvəndi Rusiyanın Federal Tibbi və Bioloji Agentliyinin Sankt-Peterburq Vaksinlər və Serumlar Elmi-Tədqiqat İnstitutu tərəfindən hazırlanıb və martın 18-də Rusiya Federasiyasının Səhiyyə Nazirliyi tərəfindən qeydiyyata alınıb.
