Mədə turşuluğunun yüksəlməsi, göynəmə və yanma ürəyə zərərlidir.

Orqanizmdə turşu-qələvi mühitinin pozulması asidoza səbəb olur.

Aztibb.az Rusiya KİV-inə istinadla xəbər verir ki, bu barədə həkim qastroenteroloq İrina Bakulina bildirib.

"Orqanizmin asidozlaşması ürək-damar sistemində problemlərə səbəb olur. Mədə turşuluğu normadan yüksəlir. Bunun əsas əlamətləri bunlardır: qıcqırma, yanma, dərinin quruması, baş gicəllənmə, ümumi zəiflik, həzmdə problemlər.

Orqanizmin turşulaşmasına səbəb qeyri-sağlam zərərli qidalanmadır. Mədə turşuluğu yüksək təzyiq, miqren, başağrısı, ürəkdə ağrılara səbəb olur.

Nəticədə ürək infarktı da baş verə bilər.

Əgər qastroenteroloq mədə turşuluğunun yüksəkliyi diaqnozu qoyubsa, mütləq xəstə həyat tərzini, qidalanmasını dəyişməli, təzə göyərti, tərəvəzlərə üstünlük verməlidir.