Sumqayıt Tibb Mərkəzinin tabeliyində olan Sumqayıt Perinatal Mərkəzdə pilot layihə çərçivəsində topuq testi nümunələrinin alınmasına başlanılıb.

Aztibb.az-ın məlumatına görə, test nümunələri yenidoğulmuşlardan valideynin razılığı əsasında götürülür və körpənin sağlamlığı üçün təhlükəsizdir.

Test vaxtında doğulmuşlardan 48/72-ci saatlarda, vaxtından əvvəl doğulmuşlarda isə 10-cu sutkayadək götürülür.

Müayinə nəticəsində xəstəlik aşkar olunduqda və ya şübhəli testlərdə ailə ilə əlaqə saxlanılır və aidiyyatı ilkin səhiyyə müəssisəsinə məlumat verilir.

Topuq testi vasitəsi ilə fenilketonuriya, anadangəlmə hipotrioz, qalaktazemiya, adrenogenital sindrom və kistik fibroz (mukovisidoz) olmaqla 5 xəstəliyin diaqnozu qoyulur. Vaxtında aşkarlanma və müalicə körpənın həyatını xilas edir və əlilliyin qarşısını alır.

Test nümunələrinın götürülməsi Sumqayıt Perinatal Mərkəzin xüsusi təlimlərdə iştirak etmiş personalı tərəfindən həyata keçirilir.

Testlər pulsuzdur.