50 yaşlı Gəncə şəhər sakini Niyaməddin Saləddin oğlu Quliyev şiddətli baş ağrısı, sağ yuxarı və aşağı ətrafda olan əzələ zəifliyi ilə Abbas Səhhət adına xəstəxanaya müraciət edib.

Aztibb.az xəbər verir ki, neyrocərrah Zaur Ramixanov xəstəni qəbul edib. Müayinə zamanı Niyaməddin Quliyevdə baş beynin sol yarımkürəsinin alın, təpə, gicgah paylarını əhatə edən böyük ölçüdə törəmə aşkarlanıb.

Xəstə dərhal əməliyyat olunub, törəmə götürülüb. Proses uğurla icra edilib.

Qeyd edək ki, əməliyyatdan öncə Niyaməddin Quliyev danışa bilməyib, sağ ətraflarda iflic olduğu üçün yataq xəstəsi olub. Lakin əməliyyatdan cəmi iki gün sonra xəstə ayaqüstə qalxaraq gəzə və danışa bilib.