Həkimin sözlərinə görə, həddindən artıq çəki (piylənmə), böyrək içindəki təzyiqi yüksəldir və qılcal damarlarda struktur pozğunluqlarına səbəb olur. Bu zaman, süzmə funksiyasını düzgün yerinə yetirə bilməyən böyrəklər, sidikdən proteini normadan çox ifraz edir. Piylənmə eyni zamanda, şəkərli diabet və hipertoniyaya da (yüksək qan təzyiqi) yol açaraq böyrəklərə dolayı yolla zərər verir. Kənardan normal kiloda görünən amma qan yağları yüksək olanların yəni metabolik piylənməsi olan insanların da böyrəkləri risk altındadır:

 

"Əgər artıq çəki problemi varsa, şəkər xəstəliyinə nəzarət bir o qədər çətinləşir. Piylənmədən qaynaqlanan şəkər xəstəliyinin ən təsirli və qalıcı müalicəsi piylənmə və metabolik cərrahiyyəsi ilə aparılır. Metabolik cərrahiyyə həkim müayinəsi və göstərişindən sonra, 2-ci tip şəkərli diabet xəstələrində daha çox tətbiq olunur. Belə pasiyentlərdə metabolik cərrahiyyə şəkərli diabetin effektiv müalicəsidir. Əlbəttə ki, əməliyyatdan sonra pasiyentlər, qidalanmalarına diqqət etməli, mütəmadi olaraq şəkərli diabet və böyrəklərlə bağlı müayinələri geikcdirməməlidirlər.