Kürdəmirdə ağır yol qəzası baş verib, nəticədə üç nəfər xəsarət alıb.

Aztibb.az xəbər verir ki, hadisə bu gün səhər saatlarında rayonun Garis Əyribənd kəndində qeydə alınıb. Belə ki, Garis Əyribənd kənd sakini, 63 yaşlı Dilqəm Elbəyi oğlu Nadirov idarə etdiyi “Mercedes” markalı avtomobillə dönmə əməliyyatı edərkən, həmin yolda hərəkətdə olan rayonun Ərəbqubalı kənd sakini, 56 yaşlı Əvəz Cəlil oğlu Səmidovun idarə etdiyi “VAZ 2106” markalı avtomobillə toqquşub. Nəticədə “VAZ-2106” markalı avtomaşında olan sürücü Əvəz Səmidov və onun sərnişinləri - Ərəbqubalı kənd sakinləri, 59 yaşlı Zərifə Cəlil qızı Əliyeva və 52 yaşlı Yeganə Güləkbər qızı Səmidova müxtəlif dərəcəli ağır bədən xəsarətləri alıblar. Yaralılar təcili tibbi yardım maşını ilə Kürdəmir rayon Mərkəzi Xəstəxanasına aparılıb və həkim nəzarətinə götürülüb.

Faktla bağlı araşdırma aparılır.