Elmi-Tədqiqat Mamalıq və Ginekologiya İnstitutunun Sığortanın təşkili və innovasiya şöbəsi və Xəstə xidmətləri şöbəsinin birgə təşəbbüsü ilə tibbi heyətin icbari tibbi siğorta ilə bağlı məlumatlılığının artırılması məqsədilə 2 günlük təlimlər təşkil olunub.

Bu barədə Aztibb.az-a İnstitutdan məlumat verilib.

Bildirilib ki, təlimlərdə şöbələrin əməkdaşları tərəfindən hazırlanan ”Xəstəlik tarixinin tərtib edilmə qaydası” adlı təqdimat nümayiş olunub. Bundan başqa, tibbi heyətə icbari tibbi sığortanın şamil olunduğu və olunmadığı pasiyentlər, Xidmətlər Zərfi, Zərfə daxil olmayan xidmətlər və cərrahi əməliyyatlar, ödənişli xidmətlər və bu kimi mövzularda lazımi məlumatlar verilib, suallar cavablandırılıb.