Ümumdünya Səhiyyə Təşkilatı (ÜST) Azərbaycanın işğaldan azad olunmuş Qarabağ və Şərqi Zəngəzur bölgələrində həyata keçirəcəyi səhiyyə sisteminin qurulması prosesində, xüsusilə rəqəmsal səhiyyə sisteminin yaradılmasında töhfəsini verməyə hazırdır.
Aztibb.az xəbər verir ki, bunu ÜST-nin Avropa üzrə regional direktoru Hans Henri Klugen aprelin 26-da Prezident İlham Əliyevin qəbulunda olarkən deyib.
Hans Henri Kluge qeyd edib ki, ÜST Azərbaycanın işğaldan azad olunmuş Qarabağ və Şərqi Zəngəzur bölgələrində həyata keçirəcəyi səhiyyə sisteminin qurulması prosesində, xüsusilə rəqəmsal səhiyyə sisteminin yaradılmasında töhfəsini verməyə və Azərbaycan ilə yaxından əməkdaşlığa hazırdır. Vurğulayıb ki, Azərbaycan ÜST ilə əməkdaşlıq çərçivəsində səhiyyə xidmətlərini təqdim edən regional mərkəzlərdən birinə çevrilə bilər.
