Elmi-Tədqiqat Mamalıq və Ginekologiya İnstitutunun (ETMGİ) tərkibində fəaliyyət göstərən şöbələrdən biri də Hamiləliyin patologiyası şöbəsidir.

Burada şöbənin müdiri, t.ü.f.d. Zinyət Muradovanın rəhbərliyi altında Bakı şəhəri və respublikanın digər regionlarından instituta yönəldilən patologiyalı hamilələrin stasionar şəraitdə müayinə və müalicəsi həyata keçirilir. İl ərzində təqribən 600-1000 nəfər hamiləyə xidmət göstərilir.

Hamiləliyin ən ağır patologiyaları olan cift gəlişləri, preeklampsiya, RH-izoimmunizasiyalar, fəsadlaşmış mamalıq və ginekoloji anamnezi olan hamiləliklər, çoxdöllü hamiləliklər, EKM-dən sonrakı ağırlaşmaları olan ana namizədləri şöbədə ixtisaslı həkim-mütəxəssislər tərəfindən yüksək kvalifikasiya olunmuş tibbi xidmətlə təmin olunurlar.