Həkim-fitoterapevt Fizuli Hüseynov Ramazan ayında faydalı salat resepti ilə bağlı sosial şəbəkədə paylaşım edib.

Aztibb.az həmin salatın reseptini təqdim edir:

Kök;

Çuğundur;

Bokoli;

Gül kələmi;

Zeytun yağı;

Narşərab;

Limon şirəsi.

Fitoterapevt bildirib ki, salatın tərkibindəki tərəvəzlər hamısı çiy olmalıdır kök və çuğunduru 100 qram götürsəniz, gül kələm və brokolinin hərəsindən 50 qram götürün, qalan hissələr zövqə görə qarışdırılır.

F.Hüseynovun sözlərinə görə, salatın tərkibindəki tərəvəzlər çiy olduğundan çox faydalıdır.

Salat mineral və vitamini ilə bərabər, bağırsaqlar tərəfindən sorula bilən və sorula bilməyən sellüloza ilə zəngindir:

"Sorula bilən sellüloza bağırsaq mikroflorasının qidası, sorula bilməyənlər isə bağırsaqların hərəki funksiyasını artırmaqla, bağırsaq tənbəliyinin qarşısını alaraq qəbizliyin aradan qalxmasına səbəb olur. Hər yeməkdən əvvəl 1 kasa yemək olduqca faydalıdır. Salatın gözlərə, beyinə, qaraciyərə, yüksək xolesterinə çox faydası vardır".