60 yaşdan sonra insanlar sağlamlıqlarını uzun müddət qorumaq üçün bir sıra vacib qaydalara əməl etməlidir.

Aztibb.az medikforum.ru saytına istinadla həkimlərin yaşı 60-dan yuxarı olan insanlara tövsiyələrini təqdim edir.

Eşitmə itkisini diqqətdə saxlayın.

Ətrafınızdakı insanlar çox yüksək səslə danışdığınızı görüblər, yaxud onlardan dediklərini təkrar etmələrini və ya daha yüksək səslə danışmalarını xahiş etmisiniz? Belə hallar sizi narahat edirsə, bu dəyişikliyə laqeyd yanaşmayın, çünki eşitmə itkisi yüksək demansiya riski deməkdir. Eşitmə zəiflədikdə, beyin sağlam qalmaq üçün lazım olan səs stimulyasiyasını almır.

Siqaret çəkməyə başlamayın və ya bu zərərli vərdişi tərgidin.

Siqaret də demansiyaya qarşı həssaslığı artırır, çünki bu, bədəndə və beyinə çatan qan damarlarında iltihablı reaksiyaya səbəb olur.

Depressiya əlamətlərini görməzlikdən gəlməyin.

Depressiya və ya narahatlıq kimi müalicə olunmayan digər psixi sağlamlıq problemlərinə tez-tez koqnitiv geriləmə və demansiyası olan yaşlı insanlarda rast gəlinir.

Aşağıdakı simptomlardan hər hansı biri varsa, həkimlə məsləhətləşmək lazımdır:

- Daimi olaraq depressiya, kədər hissi;

- Yataqdan qalxma problemləri  (insan oyandıqdan sonra uzun müddət yatağın içində qalır) ;

- Hobbilərə, əvvəllər həzz aldığınız fəaliyyətlərə marağın itməsi;

- Yuxu pozğunluqları: həddindən artıq yuxululuq və ya qeyri-kafi yuxu;

- Konsentrasiya problemləri, daim diqqətsizlik;

- İştahın pozulması.

Özünüzü cəmiyyətdən təcrid etməyin.

Yaşlandıqca biz tez-tez özümüzü daha çox təcrid olunmuş hesab edirik. Həkimlər düşünür ki, bu, demansiya riskini artırır. Beynimiz stimul almaq üçün qarşılıqlı sosial əlaqəyə ehtiyac duyur. Bu səbəbdən 60 yaşdan yuxarı insanlar üçün sosiallaşmaq vacib məsələdir.

Hərəkətsiz olmayın.

Hərəkət və məşq qan damarlarımıza və beynimizə müsbət təsir edərək, iltihabı azaltmağa kömək edir. 65 yaşdan sonra insanlar beyin sağlamlığını qorumaq üçün həftədə 5 dəfə orta hesabla 30 dəqiqə idmanla məşğul olmalıdırlar.