İsti yay günlərində oruclu vaxtı hamımızın ürəyi yeməkdən daha çox su istəyir, iftarda bol-bol su içməyi düşünərək orucumuza davam edirik və iftara yaxın hər suları süfrələrimizə düzürük.

 

Ramazan həm də sağlıq qazanmaq ayı olduğundan çalışmaq lazımdır ki, bu zaman bədənimiz ziyan görməsin. Məsələn, hər axşam soyuq su ilə iftar açılması və ya iftarda soyuq suyun bol-bol içilməsi soyuq suyun keçdiyi bütün yolların iltihablanmasına səbəb ola bilir. Angina, faringit, lorinqit kimi iltihabi xəstəliklərə və ən əsası isə mədəmizə elə bir zərər verə bilərik ki, illərlə davam edə bilər. Soyuq su iltihab mənbəyidir.

 

Aztibb.az xəbər verir ki, bu barədə həkim-fizioterapevt Fizuli Hüseynov məlumat verib. 

 

"Qazlı su soyuq sudan da zərəlidir, qazlı su mədə divarını güclü bir şəkildə aşılayır, qazlı su böyrək yumaqcıqlarından süzüləndə yumaqcıqları zədələyir (bu hətta böyrəklərimizi sıradan çıxara bilər), qazlı su xassəcə turş mühit olduğundan bədəni turşlaşdırır. Unutmayın, bədən mühiti turşlaşırsa bədən çarəsi olmayan sistem xəstəliklərindən tutmuş xərçəngə qədər açıq bir qapı olur", - deyə F.Hüseynov qeyd edib. 

 

Həkim əlavə edib ki, iftarda soyuq su içmək məcburiyyəti yaranarsa suyu ağıza alıb ağızda isidərək yavaş-yavaş içmək lazımdır. İftarda ən faydalı su otaq temperaturunda olan sudur, çalışın suyu aramla, oturaraq yavaş-yavaş və bol-bol için.