Daban və pəncə hissədə əmələ gələn döyənəklər və dəri qalınlaşması bütün qadınların problemidir.

Aztibb.az bir neçə prosedurla bu problemdən xilas olmağın yolunu təqdim edir:

Ayaqlarınızı isti su ilə vanna edin. Vannada 1,5 litr isti su olmalıdır. Suyun istiliyi ayağı qızdıracaq qədər isti olmalıdır ki, döyənəkləri yumşaltsın. 5 dəqiqə sonra suya 4 xörək qaşığı hidrogen perekis əlavə edin.

Ayaqlarınız suda nə qədər çox qalarsa, bir o qədər yaxşıdır. Suyun gec soyuması üçün isə ayaqlarınızı isti bir şalla bükün. Su soyuduqda döyənək olan hissəni daban daşı və ya süngərlə sürtün. Ayaqlarınızı yuyub qurulayın və qliserinlə sirkə qarışımı sürtüb bağlayın. Qarışımı hazırlamaq üçün bir xörək qaşığı qliserinə ¼ qaşıq sirkə əlavə edib qarışdırın. Qarışımı hər gün ayaq kremi əvəzinə döyənək və qalınlıaşma olan nahiyəyə sürtün, perekis vannasını isə həftədə 1 dəfə edin.

Bu təbii müalicənin döyənəklərdən və qalınlaşmış dəridən xilas olmağa çox faydası var.