Aztibb.az-ın xəbərinə görə, bu barədə uzman-terapevt Çinarə Səfərova məlumat verib.

 

Onun sözlərinə görə, şəkər xəstələri oruc tutmazdan əvvəl ətraflı müayinələrdən keçməlidir. Xəstənin sağlamlıq vəziyyəti, diabetin növü, orqan zədələnmələrinin olub-olmaması, insulindən istifadə edilib-edilməməsi qiymətləndirilməlidir. Əgər xəstə qan şəkərini tənzimləyən dərmanlar və ya insulindən istifadə edirsə, onların dozalarını oruc tutmaqla birlikdə yenidən təşkil etmək və dozanın çəkisini iftara keçirmək lazımdır. Bundan əlavə, oruc zamanı qan şəkərinə tez-tez nəzarət edilməli və qidalanma proqramına əməl edilməlidir.

 

 

• Aşağı risk – oruc tuta bilərlər.

• Orta risk– məsləhət deyil.

• Yüksək risk – oruc tutmaları risklidir, məsləhət deyil.

• Çox yüksək risk – oruc tutmaları çox risklidir, həyati təhlükəsi vardır.

 

Yüksək riskli qruplar, adətən, insulin qəbul edən, yaşlı, bir çox dərman qəbul etmək məcburiyyətində qalan xəstələri əhatə edir.

 

"Pəhriz rejiminə əməl etməmək, sahuru unut­maq, iftarı gecikdirmək, yaxud iftarda artıq qida qəbul etmək, az su içmək, qan şəkərini təqib etməmək, dərman qəbulunu öz bildiyi kimi tənzimləmək və s. Ramazan ayı boyunca ən çox buraxılan xətalardandır", - deyə həkim əlavə edib.