"Banan qəbulu böyrəklərlə bağlı problemlərə meyilli insanların səhhətini pisləşdirə bilər", – həkimlər xəbərdarlıq edirlər.
Banan xroniki xəstəlikləri olmayan insanlar üçün ən faydalı meyvə növlərindən biridir, ancaq naxoş böyrəkləri olan şəxslərə onların istifadəsi zərər verə bilər. Bu risk ilk növbədə, meyvələrin nəzarətsiz yeyilməsinə görə yaranır.
Aztibb.az medikforum.ru-ya istinadən xəbər verir ki, naxoş böyrəkləri olan insanların banandan istifadəsi ilə bağlı nutrisioloq Silviya Menendes Klinqer müsahibəsində məlumat verib.
"Bananların həddən artıq istifadəsi böyrək xəstəlikləri olan insanların sağlamlığına mənfi təsir edə bilər. Bunun səbəbi bananın tərkibində olan böyük miqdarda kaliumla bağlıdır", - deyə ekspert qeyd edib.
Həkim xatırladıb ki, böyrəklərin həyata keçirdiyi funksiyalardan biri qanda kaliumun səviyyəsinə nəzarətdir.
S. M.Klinqer əlavə edib ki, bu halda banandan başqa kaliumun yüksək dozasını özündə saxlayan digər məhsullar, məsələn, portağalın da qəbul edilməsi tövsiyə olunmur.