Ürəyin sağlamlığı üçün sağlam qidalanma vərdişləri qazanılmalıdır.
Bunu kardiologiya mütəxəssisi professor Yunus Amasyalı deyib. O, eyni zamanda qeyd edib ki, “Sağlam qidalanma ürək xəstəlikləri üçün risk yaradan yüksək təzyiq (hipertoniya), artıq çəki və yüksək xolesterindən əziyyət çəkənlərə müsbət töhfə verə bilər. Qida ilə birlikdə qəbul etdiyimiz yağın miqdarı və növü qanda xolesterinin səviyyəsinə əhəmiyyətli dərəcədə təsir göstərir. Bundan əlavə, gündə 6 qramdan çox duz istehlak edilməməlidir, əks halda ürəkdə infarkt riski arta bilər”.
Professor Y.Amasyalı ürək sağlamlığı üçün nəzərə alınmalı hallar haqqında xəbərdarlıq edib.
Ürək sağlamlığı üçün sağlam qidalanma vərdişinin mənimsənilməsinin vacibliyini vurğulayan Y.Amasyalı, bildirib ki, duzdan çox istifadə edildikdə ürəyi qidalandıran damarların daxili səthlərində lövhələr əmələ gəlir: “Bu lövhələr də böyüyür və qan dövranına maneə törədir. Ancaq ürək xəstəliklərinə səbəb olan əsas amil yağın miqdarından da çox onun növüdür”.