"Dializ müalicəsində olmanız sizin övlad sahibi olmağınız üçün bir maneə təşkil etmir". 

Aztibb.az-ın məlumatına görə ,bu barədə nefroloq Barat Yusubov məlumat verib.

Həkimin bildirdiyinə görə, uremiya kişilərdə həm potensiyaya, həm də spermatogenezə təsir etsə də, onların dünyaya normal övlad gətirməyi realdır.
Kişilərdə olduğu kimi, qadınlarda da uremiya həm libidoya, həm də reproduktiv qabiliyyətə təsir edir, amma bir çox xanımlarda heç bir pozğunluq olmaya da bilər. Bu cür pozğunluqları olan qadınlar isə çox asan şəkildə müalicə olunaraq ana ola bilər.

B.Yusubov bu zaman diqqət yetirilməli bir neçə məqamı təqdim edib:

- Sağlam qadınlarla müqayisədə, sizin hamiləliyiniz daha risklidir:
- Hamiləlik planlaşdırmaqdan öncə mütləq müalicə həkiminizə bildirin, çünki bəzi dərmanlarınız hamiləlikdən öncə dəyişdiriləcək (məsələn, təzyiq dərmanlarınız):
- Hamilə qaldığınızı ilk andan tıbbi personala bildirin, çünki hamiləliyin ilk dövründən sizə xüsusi dializ
rejimi təyin olunacaq:
- Dializ xəstəsi ana ola bilər, amma ideal olanı hamiləliyi böyrək köçürəndən sonraya planlamaqdır.:
- Böyrək köçürənlər isə bilməlidir ki, ilk 1 ildə hamiləlik tövsiyə olunmur. Bu dövrdə hamiləlikdən qorunmaq mütləqdir.