Bu gün Təhsil Tələbə Krediti Fondunun nümayəndələri ilə Azərbaycan Tibb Universitetinin (ATU) nümayəndələri arasında görüş keçirilib.

Görüşdə iki qurum arasında əməkdaşlıq istiqamətləri müzakirə olunub.

ATU-nun Tədris və müalicə işləri üzrə prorektoru, professor Sabir Əliyev çıxış edərək tələbələrin təhsil haqqının ödənilməsi üçün kredit fondunun yaradılmasının əhəmiyyətli olduğunu bildirib. Professor S.Əliyev qeyd edib ki, Prezidentin 17 noyabr 2021-ci il tarixli fərmanının icrası ilə bağlı Tibb Universitetində işçi qrup yaradılıb. Artıq 60-dan çox tələbə təhsil haqqının ödənilməsi üçün kredit alınması ilə bağlı komissiyaya müraciət edib.

Sonra Təhsil Tələbə Krediti Fondunun sədr müavini Bəhruz Əzimov qurumun fəaliyyəti haqqında görüş iştirakçılarını məlumatlandırıb. Bildirib ki, artıq 2021-2022 tədris ilinin payız semestri fondun yaratdığı portal üzərindən kreditlə bağlı müraciətlər qəbul olunub. B.Əzimov Təhsil Tələbə Krediti Fondunun iş prinsiplərini təbliğ etmək məqsədilə ali məktəblər və tələblərlə silsilə görüşlər keçirildiyini də deyib.

Görüşdə ATU-nun tədris şöbəsinin müdiri, dosent Kamandar Yaqubov, I müalicə-profilaktika fakültəsinin dekanı, dosent Elşad Novruzov, İctimai Səhiyyə fakültəsinin dekanı, professor Anar Ağayev, Stomatologiya fakültəsini dekanı dosent Fərəh Mədətli, baş mühasib İlqar Mehrabov, aparıcı mühasib Məlahət Gülləri və mətbuat xidmətini rəhbəri Günel Aslanova iştirak ediblər.