Alzhemier xəstəliyinin qarşısını almaq üçün zehni fəaliyyətinizi artırın.

Bunu Akdeniz Universiteti Sağlamlıq Elmlər Fakültəsi, Gerontologiya kafedrasının müdiri, professor İ.Tufan deyib. O, qeyd edib ki, dünyada ən çox artan xəstəliklərdən biri demensiyanın növü olan Alzhemier xəstəliyidir. Demensiya ilə bağlı problemlər sonrakı illərdə daha çox artacaq. Hazırda universitetimizdə xəstəliyə qarşı gerontoloji tədqiqatlar aparılır.

Ehtiyatlı olmağın vacibliyini vurğulayan İ.Tufan, yaşlılarda toxumaq, düzgün qidalanmaq, kitab oxumaq kimi vərdişlərin formalaşmasının Alzhemier xəstəliyindən qorunmağın yeganə yolu olduğunu deyib. Tədqiqatlara görə toxuyan, qəzet, jurnal, kitab oxuyan yaşı 60-dan yuxarı olan insanlarda bu xəstəliyətutulma riski azdır.

Əqli aktivliyin artması Alzhemier xəstəliyindən əziyyət çəkənlər üçün də vacibdir. Qeyd edilənlərlə yanaşı qəbul etdiyimiz qidalara diqqət etmək, meyvə-tərəvəzlərə xüsusi yer vermək, siqaret çəkmək və spirtli içki qəbul etmək kimi zərərli vərdişlərdən uzaq durmaq və təbiətlə ünsiyyətdə olmaq lazımdır.