Aztibb.az xəbər verir ki, Mərkəzi Gömrük Hospitalının Uşaq Cərrahiyyəsi şöbəsinin uzman uşaq cərrahı Vüsal Cəfərov TƏBİB, Səhiyyə Nazirliyi, Elmi-tədqiqat Pediatriya İnstitutu və "Unity Company"nin birgə təşkilatçılığı ilə 7-9 aprel 2022-ci il tarixlərində keçirilən "I Beynəlxalq pediatriya, uşaq cərrahiyyəsi və tibb bacıları” konqresində “Kriptorxizm” mövzusunda təqdimatla çıxış edib.

 

Vüsal Cəfərov çıxışında qeyd edib ki, gecikmiş kriptorxizm xəstələrində atrofiya, sonsuzluq kimi ağırlaşmalar olduğuna görə erkən diaqnoz və əməliyyat çox önəmlidir. Belə ki, erkən qoyulmuş diaqnoz və vaxtında edilən əməliyyat nəticəsində gec dövrdə ortaya çıxacaq ağırlaşmaların qarşısını almaq mümkündür. Həmçinin, Vüsal Cəfərov 2017-2021-ci illər müddətində Mərkəzi Gömrük Hospitalında icra edilən kriptorxizm əməliyyatlarının retrospektiv olaraq aparılan araşdırdırmaların nəticələrindən danışıb.

 

Üç gün müddətində davam edən beynəlxalq konqresdə pediatriya, cərrahiyyə, neonatologiyanın ən aktual problemlərinə həsr olunan məruzələr dinlənilib, ağır klinik halların müzakirəsi aparılıb, azərbaycanlı mütəxəssislərin, Türkiyədən, Avropadan, Rusiyadan gələn yüksək ixtisaslı mütəxəssislərlə canlı bilik və təcrübə mübadilələri aparılıb.

 

Eyni zamanda, konqresdə Türkiyənin aparıcı universitetlərinin, Avropa Pediatrik Cərrahiyyə Assosiasiyasının, Rusiyanın dünyada tanınmış professorları pediatriya sahəsinin yenilikləri, önəmli problemləri barədə təqdimatlar ediblər.