Ölkə üzrə COVID-19 əleyhinə vaksinasiya məntəqələrinin sayı kifayət qədərdir.

Aztibb.az-ın məlumatına görə, bunu Tibbi Ərazi Bölmələrini İdarəetmə Birliyinin sədri vəzifəsini icra edən Vüqar Qurbanov deyib.

O, bildirib ki, regionlarda da bu proses əhalinin sayına görə tənzimlənir.

"Məqsədimiz əhalinin daha sürətli vaksinasiya olunmasıdır. Peyvəndlərin saxlanma şəraiti ilə bağlı bu zamana qədər hər hansı bir problem yaşanmayıb" - deyə o əlavə edib.

Səhiyyə nazirinin müavini Nadir Zeynalov isə bildirib ki, peyvənd məntəqələrində kifayət qədər soyuducular və digər avandanlıqların verilməsi zəruridir.