Sağlam qidalanmanın süd vəzi xərçəngindən qorunmada çox mühüm rolu vardır. Digər bütün xərçənglərdə olduğu kimi süd vəzi xərçəngindən də qorunmaq üçün ideal çəki çox vacibdir. 

Aztibb.az tibbi mənbələrə istinadla xəbər verir ki, yağ olaraq rəfinə olunmamış, təbii sızma zeytun yağı və təbii tərəyağı istifadə oluna bilər. Xüsusilə həftədə 1-2 dəfə balıq qəbul olunmalıdır. Protein - olaraq kənd toyuğu və yumurtası tövsiyə olunur. 

Karbohidrat olaraq taxıl bitkiləri, təzə meyvə və tərəvəzlər istifadə edilməlidir. Bütün meyvə və tərvəzlər orqanik olanları seçilməlidir. Süd vəzi xərçənginin qarşısını alan fitoterapiya - yaşıl çay, zərdəçal, zəncəfil, kətan toxumu, çörəkotu və arı poleni kimi bir çox qidalar faydalıdır. Sağlamlıq üçün ən doğru qidanı seçmək və daha çox xeyir ala bilmək, eləcə də istifadə olunan dərmanlarla qarşılıqlı təsirlərini aydınlaşdırmaq üçün həkimlə məsləhətləşmək vacibdir.