Tanınmış türkiyəli həkim "dünyanın ən sağlam qidası" adlandırdığı yeməyin reseptini paylaşıb.

Türkiyəli həkim Canan Karatayın sözlərinə görə, ravənd çox faydalı olduğundan, pəhriz zamanı istifadə olunan ən sağlam qidalardan biridir.

Aztibb.az medikforum.ru-ya istinadla xəbər verir ki, professor Karatay müsahibəsində ravənd yeməyin faydalarından danışıb, eləcə də ondan istifadə edərək yeməklər bişirməyi tövsiyə edib.

Həkimin sözlərinə görə, bu bitki mənşəli məhsul bir çox vitaminlərlə, o cümlədən antioksidantlarla zəngindir (onun tərkibində A, B1, B2, C, E, K vitaminləri var), nəticədə o, orqanizmin iltihaba qarşı müdafiəsini yaxşılaşdırır və immun sistemini gücləndirir.

Həmçinin, zəngin bir vitamin mənbəyi olan ravənd həddindən artıq iş ilə yükləndikdə və enerjinin azalması zamanı stresə daha yaxşı davam gətirməyə kömək edir.  

Canan Karatay əlavə edib ki, ravənd əsaslı içkilər yüksək təzyiqin qarşısını almaqda faydalıdır. Həmçinin, tərəvəz qan şəkərinin səviyyəsini aşağı salmağa kömək edir, həzmə müsbət təsir göstərir və qəbizliyin qarşısını alır.

“Soğanı doğrayın və bir az yağda qızardın. Ravəndin 4-5 sapını kəsin, soğana əlavə edin, zövqə görə duz qatıb, qarışdırın. Ravəndin çox qızarmasını gözləmədən, yumurta vurun və odda bir az daha saxlayın" - deyə resepti paylaşıb.