Spontan baş vermiş üçəm hamiləlik ilə Elmi-Tədqiqat Mamalıq və Ginekologiya İnstitutuna müraciət edən qadın 9 aylıq periodda mama-ginekoloq Xəyalə Təhməzinin nəzarətində olub. Bir sıra qalxanabənzər vəzi problemləri, vaxtından əvvəl doğuş və düşük təhlükələri ilə çətin hamiləlik keçirən qadın daim nəzarətdə saxlanılıb.

Bu barədə Aztibb.az-a institutdan məlumat verilib.

Bildirilib ki, aparılan düzgün müayinə və müalicələrin nəticəsində uğurla icra olunan qeysəriyyə əməliyyatı ilə cinsi kişi, çəkisi isə müvafiq olaraq 2 100, 1,920 və 2 490 qram olan üçəmlər sağ-salamat dünyaya gəlib. Hamiləliyin 35-ci həftəsində dünyaya gələn körpələrin vəziyyəti hazırda kafidir.