Avtomobildə ilk tibbi çantanın olması yol-nəqliyyat hadisəsi zamanı sürücünün və xəsarət alan digər şəxsin həyatı üçün önəmlidir. Çünki bəzən bu cür tibbi çantalar tibbi yardıma ehtiyacı olan qəzalarda insan həyatını xilas edir. Bu səbəbdən avtomobillərdə tibb çantalarının olması və onlardan istifadə qaydalarını bilmək vacibdir. Eyni zamanda tibbi çanta təkər dəyişdirmə zamanı qançırlar, təsadüfi kəsiklər və tökülən qaynar çay yanıqları zamanı istifadə olunur.

Mərkəzi Gömrük Hospitalının Təcili Yardım şöbəsinin rəisi, təcili yardım həkimi Nərgiz Kərimova “Maşında tibbi çantanın içərisindəki tibbi ləvazimatlar” mövzusunda ətraflı məlumat verib.

Həkim avtomobildə olan ilkin tibbi yardım çantasının tərkibini açıqlayıb:

Qeyri-steril tənziflər;
10 sm x 5 m - 4 ədəd,
14 sm x 7 m - 2 ədəd.
Rolled yapışan gips 2 sm x 5 m - 1 ədəd.
Qayçı - 1 əd.
Birdəfəlik tibbi maskalar -2 ədəd.
Birdəfəlik tibbi əlcəklər (ölçüsü M və ya daha böyük) - 2 cüt.
16x14 sm ölçüdə steril tənzif salfetlər paketdə - 2 ədəd
Hemostatik elastik turniket - 1 ədəd.
Təhlükəsiz süni tənəffüs üçün maska - 1 ədəd.
Əşyaların istifadəsi və ilk yardım üçün təlimatlar - 1 ədəd.
Yaraları dezinfeksiya etmək üçün antiseptiklər məhlul xlorheksidin;

Ağrı üçün:

ibuprofen, nimesulide;
ketorolak;
antiallergik - setirizin;
antipiretik - parasetamol;

Mədə-bağırsaq traktını toksinlərdən təmizləmək üçün sorbentlər - aktivləşdirilmiş kömür;

Spastik ağrı üçün- buskopan;

Qusma və ishal üçün dərmanlar - loperamid, metoklopramid;

N.Kərimovanın sözlərinə görə, ilk yardım çantasında olan dərmanların saxlanılma müddətinə hər 6 aydan bir nəzərət edilməlidir.

"Avtomobilin ilk yardım çantasının tərkibi üçün standart istifadə müddəti - 4 il 6 aydır. Bundan sonra köhnə dəst atılmalı və əvəzinə yenisi alınmalıdır, - deyə həkim bildirib. 

N.Kərmova əlavə edib ki, avtomobildə ilk yardım dəstinin olması mütləqdir: "Minimal bir sarğı dəsti qəza və ya digər fövqəladə hallarda sizin və ya başqa bir insanın həyatını xilas edə bilər".