Hazırda süd vəzilərində patoloji dəyişiklikləri öyrənmək üçün aparıcı instrumental metodlar süd vəzlərinin rentgen mammoqrafiyası və USM-dir.

Aztibb.az tibbi mənbələrə istinadla xəbər verir ki, süd vəzilərinin USM və mammoqrafiyası bir-birini tamamlayan üsullardır. Lakin burda bir məqam əsasdır. Onların əsas fərqi - USM zamanı ultrasəs dalğalarından, mammoqrafiya zamanı isə rentgen şüalarından istifadə olunmasıdır. Mammoqrafiya vasitəsilə bədxassəli şişlərin aşkarlanması 75-95%-ə çatır. Mammoqrafiya zamanı mikrokalsinatların görüntüsü böyük önəm daşıyır. Mikrokalsinatların altından patologiya çıxa - ilkin mərhələ kimi süd vəzi xərçəngi xəstəliklərinə rast gəlinə bilər.

"Bu mikrokalsinatları görmək üçün ən gözəl müayinə metodu mammoqrafiyadır. Eyni zamanda assimetrik toxumaları mammoqrafiyada aydın görmək mümkündür. Lakin USM müayinəsində assimetrik toxumaları görmək mümkün olmur. Deməli, süd vəzilərini müayinə etmək - mammoqrafiya və USM müayinəsini birlikdə etmək deməkdir".