4 aprel tarixində Bakı Marriot oteldə Azərbaycan Vərəm əleyhinə QHT Koalisiyası, "Sağlamlığa Xidmət” İctimai Birliyinin təşkilatçılığı Yaponiyanın Azərbaycandakı səfirliyinin və “Stop Vərəm” Tərəfdaşlığının dəstəyi, Yaponyanın “Fujifilm” Şirkətinin və “Araş Medikal Kompani”nin sponsorluğu ilə Ümumdünya Vərəmlə Mübarizə Gününə həsr olunmuş Beynəlxalq Konfrans keçirilib.
Tədbir Azərbaycan Vərəm əleyhinə QHT Koalisiyası və "Sağlamlığa Xidmət” İctimai Birliyinin təşkilatçılığı, Yaponiyanın Azərbaycandakı səfirliyinin və “Stop Vərəm” Tərəfdaşlığının dəstəyi, Yaponyanın “Fujifilm” şirkətinin və “Araş Medikal Kompani”nin sponsorluğu ilə baş tutub.
Konfransda Yaponiyanın Azərbaycandakı səfiri Cuniçi Vada, Azərbaycan Respublikası səhiyyə nazirinin müavini Nadir Zeynalov, ÜST-ün Azərbaycandakı nümayəndəsi, ofisin rəhbəri Hande Harmancı, İcbari Tibbi Sığorta üzrə Dövlət Agentliyinin Beynəlxalq əlaqələr departamentinin rəhbəri Ruslan Abdullayev, TƏBİB-in Strateji inkişaf departamentinin rəhbəri Yaqut Qarayeva, “Stop Vərəm” Tərəfdaşlığının İcraçı Direktoru Luçika Ditiu, eləcə də TƏBİB-in və İTS-in məsul əməkdaşları, Milli Məclisin deputatları, vərəmlə mübarizə üzrə yerli və beynəlxalq ekspertlər, dövlət və qeyri-hökumət təşkilatlarının, eyni zamanda Türkiyə, Gürcüstan və İsveçrədən dəvət edilmiş aparıcı vərəmlə mübarizə qurumlarının nümayəndələri iştirak ediblər.
Əvvəlcə Yaqut Qarayevə çıxış edərək ölkəmizdə vərəmlə mübarizə tədbirləri çərçivəsində görülmüş işlərdən danışıb.
Tədbirdə çıxış edənlər “Keçirilmiş tədbirin əlamətdar ərəfəyə - Yaponiyanın Azərbaycandakı səfirliyinin açılmasının 30 illiyi ilə əlaqədar elan edilmiş “Azərbaycan-Yaponiya dostluq ili - 2022” təsadüf etdiyini qeyd ediblər. Natiqlər Yaponiyanın ən yeni vərəm diaqnostik texnologiyalarının ucqar ərazilərdə yaşayan vətəndaşlar arasında vərəmin aşkarlanmasını istiqamətdinə rol oynadığını bildiriblər.