Mərkəzi Gömrük Hospitalında bir həftə müddətində COVID-19 xəstəliyindən müalicə almış pasiyent Samirə Ocaqverdizadə sağlamlığına qovuşub.
Bu barədə Aztibb.az-a təəsüratlarını bölüşən pasiyent S.Ocaqverdizadə Gömrük Hospitalının tibbi heyətinin peşəkarlığından razılığını ifadə edib.
O, anası Elmira Ocaqverdizadə və oğlu Fərid Rəcəbovun da Mərkəzi Gömrük Hospitalında koronavirusdan müalicə aldıqlarını və qısa zamanda öz sağlamlıqlarına qovuşduqlarını bildirib.
Pasiyent hospitalda nümunəvi şəraitin yaradıldığını və əhaliyə yüksək səviyədə xidmət gostərildiyini diqqətə çatdırıb.
“Mənə və ailəmə göstərilən diqqət və qayğıya görə Mərkəzi Gömrük Hospitalının baş həkimi Xəyal Məmmədova, həkim Bəylər İmanova, həkim-infeksionist Mədinə Abdullayevaya və bütün tibb personalına dərin təşəkkürümü bildirirəm”, - deyə S.Ocaqverdizadə vurğulayıb.