"Həkimlərimizi tanıyaq!” rubrikamızda sizlərə Mərkəzi Gömrük Hospitalının uzman uroloqu, cərrah Bəhruz Xalıqovu təqdim edirik.
Dr. Bəhruz Xalıqov 2004-cü ildə Azərbaycan Tibb Universitetinin Tibbi profilaktika fakültəsini bitirdikdən sonra 2013-2018-ci illərdə Türkiyə Cümhuriyyəti Sağlık Bilimleri Üniversitesi İstanbul Eğitim ve Araştırma Hastanesində urologiya ixtisası üzrə uzmanlıq təhsili alıb.
O, əmək fəaliyyətinə 2018-ci ildə Türkiyənin İstanbul şəhərində yerləşən “Özel Hospitalist Hastanesi”-ndə uzman uroloq cərrah kimi başlamış və bir il müddətində həmin xəstəxanada uğurla fəaliyyət göstərmişdir. Bəhruz Xalıqov 2019-cu ildən Mərkəzi Gömrük Hospitalında uzman uroloq, cərrah kimi fəaliyyət göstərir.
Uzman uroloq 2015-ci ildə Türkiyənin Bursa şəhərində “Prostat xərçəngi və BPH” mövzusunda keçirilən Avrasiya Üroonkoloji Bahar konqresində, həmin ildə Türkiyənin İstanbul şəhərində “Qadınlarda çanaq bölgəsi orqanlarının rekonstruktiv əməliyyatları” mövzusunda simpoziumda, 2017-ci ildə İstanbul şəhərində “Bahçeşehir Universitetinin kliniki anatomiya laboratoriyasında “Dondurulmuş meyit modelində yüksək dərəcəli endoskopik və laparoskopik cərrahiyyə” kursunda, 2016-cı ildə Bakı şəhərində keçirilən VI Uroonkologiya Qış konqresində iştirak edib. Həmçinin 2017-ci ildə Türkiyənin İstanbul şəhərində Türk Urologiya Akademiyasının təşkil etdiyi böyrək şişləri mövzusunda təkmilləşdirmə kursunun, 2018-ci ildə Türkiyənin Antalya şəhərində keçirilən V Beynəlxalq Minimal İnvaziv Uroloji Cərrahiyyə konqresinin, 2018-ci ildə Türkiyənin İstanbul şəhərində Acıbadem Universiteti CASE robotik, laparoskopik cərrahiyyə və kliniki anatomiya laboratoriyasında canlı donuz modelində yüksək dərəcəli müasir laparoskopik böyrək cərrahiyyəsi kursunun iştirakçısı olub.
Bəhruz Xalıqov Avropa Urologiya Assosiasiyasının, Türk Urologiya Assosiasiyasının, və Türk Uroloji Cərrahiyyə Assosiasiyasının, Türk Uroloji Assosiasiyasının üzvüdür.
Həkim barədə daha ətraflı məlumat almaq üçün bu linkə daxil ola bilərsiniz: https://customshospital.az/behruz-xaliqov/
