Azərbaycan Kardiologiya Cəmiyyəti İctimai Birliyi və AR Səhiyyə Nazirliyi İctimai Səhiyyə və İslahatlar Mərkəzi arasında memorandum imzalanıb.
Aztibb.az xəbər verir ki, memorandum iki tərəf arasında qarşılıqlı əməkdaşlığı, həmçinin ilkin səhiyyə xidmətlərində çalışan həkimlər və kardioloqların ürək damar xəstəliklərinin profilaktika və müalicəsini sübuta əsaslanan təbabətin prinsiplərinə uyğun aparılmasına yönəlmiş tədbirlərin həyata keçirilməsi üçün birgə fəaliyyəti nəzərdə tutur.
Bu əməkdaşlıq, həmçinin ölkədə həyata keçirilən tibbi təhsilin inkişafına, əhalinin sağlamlığının qorunması istiqamətində, həkim və orta tibb işçilərinin ixtisas üzrə elmi-praktik səviyyələrinin artırılması üçün beynəlxalq səviyyəli sertifikatlaşdırılmış tibbi və elmi-praktik tədbirlərin keçirilməsinə, elmi tədqiqatların və beynəlxalq elmi əməkdaşlığın inkişafına, davamlı tibbi təhsilin geniş yayılmasına dəstək göstərmək məqsədi daşıyır.
