12 yaşlı uşaq yol nəqliyyat hadisəsi zamanı xəsarət alması nəticəsində Təcili Tibbi Yardım vasitəsilə K.Y.Fərəcova adına Elmi-Tədqiqat Pediatriya İnstitutuna kəskin tənəffüs çatışmazlığı ilə ağır vəziyyətdə çatdırılıb. 

Bu barədə Aztibb.az-a Elmi-Tədqiqat Pediatriya İnstitutundan bildirilib.

Qeyd olunub ki, huşu soporoz olan xəstənin yanaşı gedən müştərək travmaları vəziyyətini daha da ağırlaşdırıb.

Aparılan müayinələrdən sonra xəstəyə qarının küt travması, qaraciyər sağ payının qabırğa -diafraqmal səthinin iri ölçülü cırılmış yarası, iri ölçülü periton arxası hematoma, eləcə də baş beyin əzilməsi, travmatik posthemoragik şok, ağır dərəcəli laporotomiya, həmçinin qaraciyər yarasının tikilməsi, sanasiya və drenaj edilməsi iki tərəfli aspirasion pnevmoniya, tənəffüs çatışmazlığı, hidrotoraks diaqnozu qoyulub.

Peşəkar həkim heyəti və tibbi personalın səyi nəticəsində xəstənin vəziyyəti yaxşılaşıb.