“Həkimlərimizi tanıyaq!” rubrikamızda sizlərə hər bir pasiyentə individual yanaşan və onların hörmətini qazanmış Mərkəzi Gömrük Hospitalının endokrinoloqu Şəbnəm Əliyevanı təqdim edirik.
Dr. Şəbnəm Əliyeva 2009-cu ildə Azərbaycan Tibb Universitetinin Müalicə-profilaktika fakültəsini bitirib, 2009-2010-cu illərdə Respublika Endokrinoloji Mərkəzində endokrinologiya ixtisası üzrə internatura, 2010-2012-ci illərdə isə Rusiyanın paytaxtı Moskva şəhərində FDM Endokrinoloji Elmi Mərkəzində ordinatura keçib.
O, 2012-ci ildən Mərkəzi Gömrük Hospitalnda həkim-endokrinoloq kimi çalışır.
Şəbnəm Alıyeva 2010-cu ildə Moskvada "Endokrin patologiyalı xəstələrdə hamiləliyin planlaşdırılması və aparılması”, "Kontrasepsiyanın endokrin aspektləri" kurslarında, 2012-ci ildə Ümumrusiya üzrə Endokrinoloqların VI Konqresində və 2013-cü ildə Ümumrusiya üzrə VI Diabetoloji Konqresində iştirak edib.
