Həkim qeyd edib ki, oynaqların endoprotezləşdirilməsi normal oynağın forması və funksiyasını əvəz edən bir üsuldur. Çox vaxt endoprotezləşmə hərəkəti məhdudlaşmış oynağın funksiyasını bərpa etmək və ağrını aradan qaldırmaq üçün yeganə çıxış yoludur. Artıq əməliyyatdan 1-2 ay sonra pasient əvvəlki aktiv həyat tərzinə qayıda bilir.

 

 

- Oma, çiyin sümüyünün başının aseptik nekrozu;

- Degenerativ-distrofik artritlər və artrozlar;

- Displastik artrozlar;

- Bexterev xəstəliyi;

- Revmatoid artritlər;

- Yanlış bitişmiş oynaqdaxili sınıqlar;

- Posttravmatik artrozlar;

- Omanın boyununun sınığı (yaşlılarda), omanın boyununun yanlış oynaqları.

 

 

- İkinci əzələ distrofiyasının inkişafının qarşısını almaq

- Əməliyyatdan sonra ilk günlərdən başlayaraq keçirilən (xəstənin ümumi vəziyyəti imkan verirsə) bərpa tədbirlərinin erkən başlanğıcı

 

P.Əkbərov əlavə edib ki, tikişlər açıldıqdan sonra intensiv reabilitasiyaya başlanılması məsləhət görülür. Reabilitasiya hər gün olmaqla 3 aya qədər davam edə bilər. Reabilitoloqun məsləhəti ilə 3-cü həftənin sonunda yerimə cihazını buraxıb bir dəyənəyə keçməyə icazə verilir. Dəyənək sağlam tərəfdə istifadə edilir. İki tərəfli əməliyyat edilmişdirsə yerimə cihazı 6 həftəyə qədər istifadə edilməlidir. 8 həftədən sonra xəstələr daha aktiv ola bilir, maşın sürüb işə çıxmağa icazə verilir. 4 ay sonra idmana başlayıb, 6 ay sonunda bərpa prosesini sona yetirmək mümkündür.